காதல் என்ற பெயரில் காடயர்களின் காமத்திற்கு இரையாகும் மாணவிகள்….

காதலனை நம்பிச் சென்ற 11 ம் தர மாணவியை நண்பர்களுக்கு இரையாக்கிய காதலனும் நண்பர்களும் கைது

நாளை உலகை வெல்லவிருந்த ஒரு மாணவியின் கண்ணீர் கதை…

ஹட்டன் கினிகத்தேனை பிரதேசத்தில் உள்ள ஒரு பிரதான பாடசாலையில் 11 ஆம் வகுப்பில் கல்வி கற்கும் பாடசாலை மாணவி ஒருவர் பல சந்தர்ப்பங்களில் பாலியல் துஷ்பிரயோகத்திற்கு உட்படுத்தப்பட்ட குற்றச்சாட்டுகளின் பேரில், இரண்டு இளைஞர்கள் மற்றும் அதற்கு உடந்தையாக இருந்ததாக சந்தேகிக்கப்படும் மற்றுமொருவர் உட்பட மூவர் கடந்த 18ஆம் திகதி கைது செய்யப்பட்டுள்ளதாக கினிகத்தேனை பொலிஸார் தெரிவிக்கின்றனர். இந்த மூன்று இளைஞர்களும் கினிகத்தேனை பொலிஸ் நிலைய பொறுப்பதிகாரி, பிரதான பொலிஸ் பரிசோதகர் விராஜ் விதானகே அவர்களின் பணிப்புரையின் பேரில் கைது செய்யப்பட்டனர்.

பொலிஸ் விசாரணைகளில் தெரியவந்துள்ளது என்னவென்றால், இந்த மாணவி கினிகத்தேனை, கோணவல பிரதேசத்தைச் சேர்ந்த இளைஞர் ஒருவருடன் காதல் உறவு வைத்திருந்தாள். அவள் தனது காதலனை சந்திக்கச் சென்ற சந்தர்ப்பத்தில், அவன் அவளை ஒரு நண்பனின் வீட்டிற்கு அழைத்துச் சென்றுள்ளான். அங்கு காதலனும் அவனது நண்பனும் சேர்ந்து தன்னை பலவந்தமாக பாலியல் துஷ்பிரயோகம் செய்ததாக மாணவி கினிகத்தேனை பொலிஸில் வாக்குமூலம் அளித்துள்ளார். அவளது வாக்குமூலத்தின்படி, இந்த துஷ்பிரயோகங்கள் பல சந்தர்ப்பங்களில் நடந்துள்ளதாகவும் பொலிஸார் தெரிவிக்கின்றனர்.

மாணவி தனது பாட்டியின் பொறுப்பில் உள்ளார், ஜனவரி 17 ஆம் திகதி காலை வீட்டை விட்டு வெளியேறி இரவு தாமதமாக மீண்டும் வீட்டிற்கு வந்தமை குறித்து பாட்டிக்கு சந்தேகம் ஏற்பட்டது. இது தொடர்பாக அவர் கினிகத்தேனை பொலிஸில் முறைப்பாடு செய்துள்ளார். அதன்படி பொலிஸார் மாணவியை அழைத்து விசாரித்தபோது, அவள் பல சந்தர்ப்பங்களில் பாலியல் துஷ்பிரயோகத்திற்கு உட்படுத்தப்பட்டதாக தகவல்கள் வெளியாகியுள்ளன. மேலதிக மருத்துவ பரிசோதனைக்காக மாணவி நாவலப்பிட்டி மாவட்ட பொது வைத்தியசாலையின் சட்ட வைத்தியரிடம் அனுப்பி வைக்கப்பட்டுள்ளதாகவும் நிலையப் பொறுப்பதிகாரி மேலும் தெரிவித்தார்.

கைது செய்யப்பட்ட மூன்று சந்தேக நபர்களும் 16-17 வயதுக்குட்பட்டவர்கள் என்று பொலிஸார் தெரிவிக்கின்றனர். அவர்கள் இன்று (19) ஹட்டன் நீதவான் நீதிமன்றத்தில் ஆஜர்படுத்தப்படவுள்ளதாகவும் கினிகத்தேனை பொலிஸார் தெரிவித்தனர்.

படம் AI