6 சிறுமிகள் மீதான பாலியல் குற்றச்சாட்டில், இலங்கையைச் சேர்ந்த தேரர் குற்றவாளி என அவுஸ்திரேலிய நீதிமன்றில் தீர்ப்பளிக்கப்பட்டது.

அவுஸ்திரேலிய மெல்பேர்ன் நகர விகாரை ஒன்றில் 6 சிறுமிகளுக்கு எதிரான பாலியல் குற்றங்களுக்காக இலங்கை பௌத்த தேரர் குற்றவாளி என
மெல்பேர்னில் உள்ள விக்டோரியா மாகாண நீதிமன்றம் (County Court) ஒன்றில், ஆறு சிறுமிகளுக்கு  பாலியல் குற்றங்களைச் செய்ததற்காக ஒரு சிரேஷ்ட இலங்கை பௌத்த தேரர் குற்றவாளி எனத் தீர்ப்பளிக்கப்பட்டுள்ளது.

கீஸ்ஸ்பரோவில் உள்ள தம்ம சரண ஆலயத்தின் தலைமைத் தேரரான நாவ்துன்னே விஜித (Naotunne Vijitha), 1994 ஆம் ஆண்டுக்கும் 2002 ஆம் ஆண்டுக்கும் இடையில் இந்த குற்றங்களை இழைத்துள்ளார். என வியாழக்கிழமை நீதிபதிகள் குழு (Jury) தீர்ப்பளித்தது.

⚖️ தீர்ப்பு விவரங்கள்

70 வயதான இந்த தேரர், 16 வயதுக்குட்பட்ட ஒரு சிறுமியை பாலியல் வன்புணர்வு  செய்த 8 குற்றச்சாட்டுகளிலும், 16 வயதுக்குட்பட்ட ஒரு குழந்தையிடம் அநாகரீகச் செயல் செய்த 9 குற்றச்சாட்டுகளிலும் குற்றவாளி எனக் கண்டறியப்பட்டார்.

* அநாகரீகச் செயல் தொடர்பான ஒரு குற்றச்சாட்டிலிருந்து அவர் விடுவிக்கப்பட்டார்.

* அநாகரீகச் செயல் தொடர்பான மற்றுமொரு குற்றச்சாட்டு தொடர்பில் நீதிபதிகள் குழு தொடர்ந்து ஆராய்ந்து வருகிறது.

தீர்ப்புகள் வியாழக்கிழமை பிற்பகல் வழங்கப்பட்டபோது, காவி நிற அங்கியுடன் இருந்த தேரர் தனது தலையை கைகளால் தாங்கிக் கொண்டு, எந்தவிதமான எதிர்வினையையும் வெளிக்காட்டவில்லை.