இலங்கை சுற்றுலா சலுகையை தவறாக பயன்படுத்தி வெலிகமா சூப்பர் மார்க்கெட்டில் பொருட்கள் திருடிய ரஷ்ய தம்பதியர் கைது
வெலிகமா பகுதியில் உள்ள ஒரு சூப்பர் மார்க்கெட்டில் இருந்து பொருட்கள் திருடியதாகக் கூறப்படும் குற்றச்சாட்டின் பேரில், ரஷ்ய நாட்டைச் சேர்ந்த சுற்றுலா கணவன்-மனைவி ஜோடி ஒருவரை வெலிகமா மத்திய போலீசார் கைது செய்துள்ளனர்.
கைது செய்யப்பட்டவர்கள் 36 வயதான கணவர் மற்றும் 35 வயதான மனைவி ஆவர்.
வாடிக்கையாளர்களாக கடைக்குள் வந்த அவர்கள், சுமார் ரூ. 7,500 மதிப்புள்ள பற்பசை, வாசனை திரவியங்கள் உள்ளிட்ட பல பொருட்களை வாங்குவது போல நடித்து, தங்களது தனிப்பட்ட பைகளில் மறைத்து வைத்திருந்தது போலீஸ் விசாரணையில் தெரியவந்துள்ளது.
இந்த சம்பவம் மூலம், கடை நிர்வாகம் சுற்றுலா பயணிகள் மீது வைத்திருந்த நம்பிக்கை துரோகம் செய்யப்பட்டிருப்பது தெளிவாக தெரிய வருகிறது.
பொதுவாக உள்ளூர் வாடிக்கையாளர்கள் தங்களது பைகளை வெளியே ஒப்படைத்து விட்டு கடைக்குள் செல்ல வேண்டிய விதிமுறை இருந்தாலும்,
வெளிநாட்டு சுற்றுலா பயணிகளுக்கு மரியாதையாக, அவர்கள் தங்களது பைகளை கடைக்குள் எடுத்துச் செல்ல அனுமதி வழங்கப்பட்டிருந்தது.
இதற்கு முன்பும் இந்த கடையில் இருந்து பொருட்கள் காணாமல் போனதாக புகார்கள் வந்துள்ளதால், இந்த சம்பவம் தொடர்பாக மேலும் விசாரணைகள் நடைபெற்று வருகின்றன.
மாத்தறை பிரிவு பொலிஸ் அதிகாரி பசன்ன குமார அவர்களின் ஆலோசனையின் பேரில்,
வெலிகமா மத்திய பொலிஸ் நிலைய பொறுப்பதிகாரி முதன்மை பொலிஸ் பரிசோதகர் சனத் குமார அவர்களின் தலைமையில் இந்த விசாரணை நடைபெற்று வருகிறது.